Лукашэнка: У сярэдзіне 1990-х я прыходзіў у парламент, а дэпутаты валяліся
Пра гэта Аляксандр Лукашэнка заявіў сёння, выступаючы перад дэпутатамі шостага і сёмага скліканняў, піша sb.by
«Прэтэндэнтаў на дэпутацкі мандат было нават больш, чым у мінулую кампанію. Яшчэ раз хачу падкрэсліць, я гэта не хаваў: я, як адказны за дзейнасць галін улады па Канстытуцыі, павінен быў узначаліць працу па фарміраванні нашага парламента. Гэта мой абавязак. І натуральна, я перажываў і стараўся, каб наш парламент быў працаздольным.
Каб я ніколі больш не перажываў таго, што было ў сярэдзіне 90-х: калі я прыходзіў у парламент, а дэпутаты валяліся. Менавіта валяліся, а не сядзелі. Такі быў, ці бачыце, пратэст. Нас цягнулі да таго, што перажываюць сёння суседнія дзяржавы, асабліва Украіна.
Таму калі хтосьці шукае нейкія падводныя плыні, не шукайце. Я казаў напярэдадні выбараў: так, мы будзем падтрымліваць канструктыўных людзей. Парламент павінен быць зрэзам нашага грамадства па вертыкалі!» — сказаў Лукашэнка.
Дзякую ўсім членам участковых выбарчых камісій. Гэта больш за 60 тысяч чалавек беларусаў з актыўнай грамадзянскай пазіцыяй, якія бескарысліва і сумленна выконвалі сваю працу пад пільнай увагай шматлікіх міжнародных назіральнікаў. Іх было рэкордная колькасць. Мы не адмовілі нікому, прынялі ўсіх жадаючых.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
Каментары