Трамп на сустрэчы з Лаўровым перасцярог РФ ад умяшальніцтва ў выбары ў ЗША
Прэзідэнт ЗША Дональд Трамп падчас сустрэчы з кіраўніком МЗС Расіі Сяргеем Лаўровым перасцярог Маскву ад любых спроб умяшання ў амерыканскія прэзідэнцкія выбары 2020 года, піша interfax.ru са спасылкай на Белы дом.
Таксама Трамп заклікаў Расію ўрэгуляваць канфлікт з Украінай.
Пры гэтым Лаўроў пасля сустрэчы з Трампам заявіў, што тэма амерыканскіх выбараў у часе перамоваў не абмяркоўвалася.
Трамп, каментуючы ў твітары сустрэчу з Лаўровым, напісаў, што ўмяшанне ў выбары, у ліку іншага, абмяркоўвалася на перамовах.
Прэзідэнцкія выбары ў ЗША прызначаныя на 3 лістапада 2020 года.
Каментары