Аляксандр Лукашэнка на цырымоніі ўручэння прэміі «За духоўнае адраджэнне» звярнуў увагу, што на фоне перамоў з Расіяй у Беларусі актывізаваліся так званыя «свядомыя» і закрычалі пра страту суверэнітэту, паведамляе БелТА.
На іх думку, трэба было даўно адмовіцца ад цесных стасункаў з Расіяй. «Калі б мы гэтыя крокі зрабілі, мы б з вамі тут не знаходзіліся. Расія — гэта не проста велізарная краіна, дружалюбны нам народ. Гэта краіна, дзе мы куплялі сыравіну. Самае галоўнае (сыравіны мора, мы можам купіць яе ў любой краіне) — гэта наш агульны рынак. Мы ўсе пералапачвалі і перапрацоўвалі на гэтай прасторы. І што можа здарыцца і здарылася б — паглядзіце на суседнюю Украіну. Гэта збольшага таму, што па жывым усё парвалі і паламалі», — лічыць Лукашэнка.
Нягледзячы на складаныя перамовы з Расіяй, кіраўнік дзяржавы падкрэсліў, што ў свеце няма такога народа, акрамя расіян, які адносіцца да беларусаў з вялікай павагай і трапятаннем.
«Па-рознаму могуць арганізоўваць свістапляскі і ісці перамовы паміж кіраўніцтвам краін і элітамі, але трэба глядзець глыбей: расіяне — нашы людзі, браты, якія заўсёды гатовы падставіць нам плячо ў цяжкую хвіліну. І сёння няма катастрофы, калі мы нават не дамовімся з Расіяй. Жывём жа гэтыя дні і будзем жыць не горш, чым у 2019 годзе. Вельмі хутка не разбагацеем, але ні ў якім разе не загінем. Не тыя часы: мы сталі на ногі дзякуючы сваёй працы», — заявіў Аляксандр Лукашэнка.
Свецкае жыццё Дар’і Шманай: дні нараджэння дзяцей Кіркорава і Comedy Club4
Каментары