Першы віцэ-прэзідэнт Нацыянальнага алімпійскага камітэта Беларусі Віктар Лукашэнка сустрэўся з прэзідэнтам Міжнароднага алімпійскага камітэта Томасам Бахам, паведамілі БелТА ў прэс-службе НАК Беларусі.
Падчас перамоваў Віктар Лукашэнка адзначыў ролю Міжнароднага алімпійскага камітэта (МАК) у падтрымцы сусветнага спорту. Абодва кіраўнікі ўжо сустракаліся раней на мерапрыемствах II Еўрапейскіх гульняў у Мінску, на палях 48-й Генеральнай асамблеі Еўрапейскіх алімпійскіх камітэтаў у Польшчы і выказалі гатоўнасць да пашырэння ўзаемадзеяння.
«На сустрэчы ў Варшаве мы абмяркоўвалі з вамі перспектывы пашырэння супрацоўніцтва ў спорце вышэйшых дасягненняў. Пасля кансультацый са спартыўнай грамадскасцю ў Беларусі заўважу, што мы гатовыя разглядаць магчымасць арганізацыі любых мерапрыемстваў пад эгідай МАК», — сказаў першы віцэ-прэзідэнт НАК Беларусі.
Томас Бах адзначыў, што зноў рады бачыць беларускую дэлегацыю і звярнуў увагу на сімвалічнае месца правядзення сустрэчы: кабінет у будынку МАК, які носіць імя Хуана Антоніа Самаранча, аднаго з выбітных прэзідэнтаў арганізацыі з 1980 па 2001 год.
«Беларусь шмат увагі надае спорту, — сказаў Томас Бах. — Вы правялі ў мінулым годзе адзін з самых маштабных спартыўных форумаў — II Еўрапейскія гульні. Асабіста прысутнічаў на некаторых спартыўных мерапрыемствах і ўрачыстай цырымоніі закрыцця. Беларускі бок бліскуча справіўся з правядзеннем гульняў. Упэўнены, і III зімовыя юнацкія Алімпійскія гульні, што праходзяць у Лазане, падораць юным беларусам шмат станоўчых эмоцый».
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары