Кіраўніца БелТА Ірына Акуловіч падумвае паказваць на новым тэлеканале прэс-канферэнцыі ў жывым эфіры
Генеральная дырэктарка БелТА Ірына Акуловіч падзялілася ўражаннямі ад нарады ў Аляксандра Лукашэнкі.
«Я вельмі падрабязна дакладвала прэзідэнту пра перспектывы развіцця БелТА, працы ў сацыяльных сетках, месенджерах, стварэння мультымедыйных праектаў», — патлумачыла яна свайму інфармагенцтву.
Па яе словах, БелТА гатова далучыцца да працы па стварэнні новага інфармацыйнага тэлеканала.
«Мы можам удзельнічаць у гэтым канале. Таму што на сёння ўжо ствараем праекты, у якіх ёсць гук, відэа. Мы будзем думаць пра тое, каб развіваць відэакірунак і стаць у тым ліку часткай інфармканала.
Ёсць магчымасць падумаць пра тое, каб з нашага прэс-цэнтра ішлі прамыя трансляцыі на навінавы інфармацыйны канал», — патлумачыла Акуловіч.
Сёння ў прэс-цэнтры БелТА праводзілі сустрэчу пад назвай «Аб перспектывах будаўніцтва аб'ектаў сацыяльнага прызначэння ў Мінску і Мінскай вобласці». Днямі ладзілі мерапрыемства «Інавацыйная экасістэма: стратэгія для краіны».
Цяпер чытаюць
У 2020 годзе ябацька Аміна «актыўна галасавала» за Лукашэнку. А цяпер не разумее, чаму родная маці на яе данесла, а міліцыя затрымала35
Каментары