У рэанімацыі памёр трэці ўдзельнік фатальнай вечарынкі ў маскоўскай лазні
Яшчэ адзін з пацярпелых падчас вечарынкі ў маскоўскай лазні — 32-гадовы мужчына — памёр ноччу ў рэанімацыі. Паводле даных расейскіх СМІ, гэта муж Кацярыны Дзідзенка. Яшчэ трое пацярпелых знаходзяцца ў бальніцы.
Інцыдэнт адбыўся ў пятніцу ўвечары ў лазневым комплексе «Дзевяты вал» на поўдні Масквы, дзе адзначала дзень нараджэння мясцовая інстаблогерка Кацярына Дзідзенка, піша bbc.com.
У разгар вечарынкі ў басейн засыпалі 25 кілаграмаў сухога лёду. Гэта рэчыва ўяўляе сабой замарожаны двухвокіс вуглярода, які ўжо пры пакаёвай тэмпературы хутка ператвараецца ў цяжкі вуглякіслы газ. Некалькі гасцей скокнулі ў басейн і тут жа пачалі губляць прытомнасць ад удушша.
«У выніку выкарыстання хімічных элементаў для стварэння візуальных эфектаў двое наведнікаў загінулі на месцы здарэння, яшчэ адзін знаходзіцца ў шпіталі ў рэанімацыі», — гаворыцца на сайце Следчага камітэта РФ.
Распачатая крымінальная справа.
Каментары