МЗС злуецца на беларусаў, якія адмаўляюцца вяртацца на радзіму, бо ў іх «яшчэ пару дзён пуцёўкі»
Дзяржавы масава закрываюць граніцы праз пандэмію каранавіруса, закрываюць на вялікія тэрміны — да мая.
У такой сітуацыі беларусы, якія далёка ад дома, могуць сутыкнуцца з немагчымасцю вярнуцца ў Беларусь пры адсутнасці прамых авіярэйсаў.
Над іх вяртаннем працуе МЗС. «Наша Ніва» спыталася ў ведамстве, як адбываецца працэс і колькі суайчыннікаў за межамі.
«Ідзе работа, пад канец дня зможам сказаць, колькі нашых за межамі. Пакуль жа ідзе руцінная работа згодна з абставінамі, — сказаў афіцыйны прадстаўнік МЗС Анатоль Глаз.
— Няма вялікіх канцэнтраваных груп, каб вывозіць іх самалётамі асобна, але людзей за межамі шмат.
На жаль, не ўсе разумеюць сітуацыю.
Нехта адмаўляецца выязджаць, кажуць: у нас яшчэ пуцёўка пару дзён, мы дагуляем, а вы потым нас забераце. На падлодцы? Хтосьці ўвогуле ўчора паехаў, ведаючы, што граніцы закрываюцца. Працуем».
Каментары