На пасяджэнні рабочай групы па пытаннях утрымання і добраўпарадкавання тэрыторыі Мінска абмеркавалі, як зменяцца мінскія пляжы, пішуць Мінск-Навіны.
«Дзіцячыя купальні з пластыкавых модульных пантонаў усталяваны на пляжах №№ 2, 5, 8, 9 вадасховішча Дразды, №4 вадасховішча Крыніца, №№ 2, 3 Цнянскага і №6 Заслаўскага вадасховішчаў. На пляжах №№ 2, 5 Заслаўскага вадасховішча і №6 на Камсамольскім возеры ўстаноўлены паплаўковыя агароджы. У найбліжэйшы час такія агароджы з'явяцца і на астатніх 11 пляжах», — расказаў старшыня Мінскай гарадской арганізацыі Таварыства выратавання на водах Дзмітрый Матюшка.
Пры гэтым вырашана зрабіць акцэнт менавіта на стацыянарных дзіцячых купальнях: варта разгледзець магчымасць іх усталявання да наступнага сезона на ўсіх без выключэння пляжах, сказаў намеснік старшыні Мінгарвыканкама Алег Корзун кіраўнікам раённых адміністрацый і адпаведных службаў.
Каментары