Італьянскі оперны спявак Пласіда Дамінга заявіў, што разам з сям'ёй сыходзіць на каранцін, пасля таго як яму пацвердзілі дыягназ — каранавірусная інфекцыя, піша Бі-бі-сі.
Дамінга напісаў у «Фэйсбуку»: «Я лічу сваім маральным абавязкам абвясціць аб тым, што ў мяне каранавірус Covid-19».
Спявак заклікаў сваіх падпісчыкаў трымаць дыстанцыю пры зносінах з людзьмі, старанна мыць рукі і выконваць усе прадпісанні лекараў.
«Я і мая сям'я будзем выконваць самаізаляцыю столькі, колькі будзе неабходна з медыцынскага пункту гледжання, — напісаў Дамінга. — Пакуль што мы ўсе адчуваем сябе добра, аднак у мяне была тэмпература і кашаль, таму я вырашыў зрабіць аналіз, і вынік апынуўся станоўчым. Я заклікаю ўсіх быць вельмі асцярожнымі, выконваць асноўныя нормы гігіены, часцей мыць рукі, не набліжацца да людзей бліжэй, чым на два метры, зрабіць усё, каб перашкодзіць распаўсюджванню віруса, і па магчымасці заставацца дома».
«Разам мы зможам перамагчы гэты вірус і пакласці канец сусветнаму крызісу, каб у бліжэйшы час вярнуцца да нармальнага жыцця, — падкрэсліў спявак. — Калі ласка, выконвайце патрабаванні мясцовых уладаў і шануйце неабходныя меры бяспекі, каб абараніць не толькі сябе, але і навакольных».
Пласіда Дамінга меўся выступаць у Мінску 19 красавіка.
Каментары