Italjanski opierny śpiavak Płasida Daminha zajaviŭ, što razam ź siamjoj sychodzić na karancin, paśla taho jak jamu paćvierdzili dyjahnaz — karanavirusnaja infiekcyja, piša Bi-bi-si.
Daminha napisaŭ u «Fejsbuku»: «Ja liču svaim maralnym abaviazkam abviaścić ab tym, što ŭ mianie karanavirus Covid-19».
Śpiavak zaklikaŭ svaich padpisčykaŭ trymać dystancyju pry znosinach ź ludźmi, staranna myć ruki i vykonvać usie pradpisańni lekaraŭ.
«Ja i maja siamja budziem vykonvać samaizalacyju stolki, kolki budzie nieabchodna ź miedycynskaha punktu hledžańnia, — napisaŭ Daminha. — Pakul što my ŭsie adčuvajem siabie dobra, adnak u mianie była tempieratura i kašal, tamu ja vyrašyŭ zrabić analiz, i vynik apynuŭsia stanoŭčym. Ja zaklikaju ŭsich być vielmi aściarožnymi, vykonvać asnoŭnyja normy hihijeny, čaściej myć ruki, nie nabližacca da ludziej bližej, čym na dva mietry, zrabić usio, kab pieraškodzić raspaŭsiudžvańniu virusa, i pa mahčymaści zastavacca doma».
«Razam my zmožam pieramahčy hety virus i pakłaści kaniec suśvietnamu kryzisu, kab u bližejšy čas viarnucca da narmalnaha žyćcia, — padkreśliŭ śpiavak. — Kali łaska, vykonvajcie patrabavańni miascovych uładaŭ i šanujcie nieabchodnyja miery biaśpieki, kab abaranić nie tolki siabie, ale i navakolnych».
Płasida Daminha mieŭsia vystupać u Minsku 19 krasavika.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać29
Kamientary