Беларусь — адзіная краіна ў Еўропе, дзе праводзіцца футбольны чэмпіянат. Сёння стартуюць матчы 3-га тура. У суботу на «Барысаў-Арэне» адбудзецца паядынак БАТЭ — «Рух».
На сайце БАТЭ апублікаваны зварот да заўзятараў з нагоды матча.
«Пераканаўча рэкамендуем ўстрымацца ад наведвання гэтай гульні дзяцей да 16 гадоў, пажылых людзей, а таксама ўсіх, хто мае павышаную тэмпературу, сімптомы прастуды і рэспіраторных захворванняў», — зазначаюць у клубе.
Тых, хто адважыцца прыйсці на стадыён, просяць няўхільна выконваць меры засцярогі:
— пазбягаць поціскаў рукі і трымаць дыстанцыю пры камунікацыі;
— рассаджвацца на трыбунах у шахматным парадку на адлегласці як мінімум за 1,5 м адно ад аднаго;
— як мага часцей мыць рукі мылам або спіртазмяшчальнымі сродкамі;
— па магчымасці насіць маскі;
— не чапаць рукамі вочы, нос і рот.
У прафілактычных мэтах на матчы не будуць працаваць фан-зона і кропкі грамадскага харчавання.
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары