Медыкі, што заразіліся COVID-19, працавалі ў аддзяленнях не для лячэння пацыентаў з каранавірусам. Пра гэта ў эфіры СТБ распавёў кіраўнік Міністэрства аховы здароўя Уладзімір Каранік, паведамляе Tut.by.
— Існуюць выпадкі, калі па медыцынскую дапамогу пацыент звяртаецца ў звычайную паліклініку, хоць мы ўвесь час просім: калі ў вас маюцца прыкметы рэспіраторнай інфекцыі, не трэба нікуды хадзіць — выклічце доктара да сябе. Але ў нас усё роўна часам прыходзяць на прыём у паліклініку, як са звычайнай рэспіраторнай віруснай інфекцыяй.
Менавіта пасля такіх візітаў, па словах міністра, і захварэлі дактары. Былі таксама выпадкі, калі чалавек з каранавірусам трапляў у агульнасаматычнае аддзяленне, а там «медперсанал экіпіраваны горш».
— І ў выніку мы атрымалі, што менавіта не ў тых стацыянарах, дзе аказваецца медыцынская дапамога [пацыентам з каранавірусам], а ў іншых меліся факты інфікавання медыцынскіх работнікаў.
Уладзімір Каранік паведаміў, што для прадухілення падобных выпадкаў зараз узмацняецца забеспячэнне сродкамі абароны ўсіх стацыянараў.
— Цяпер наша лёгкая прамысловасць дадаткова плануе выпускаць да 1 млн масак у суткі ў пачатку наступнага тыдня. Гэта дазволіць і задаволіць патрэбы насельніцтва, і папоўніць запасы медыцынскіх устаноў.
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары