Настаўніку, які правярае школьныя сшыткі, лепш надзець пальчаткі, а потым выкінуць пальчаткі ў закрытым пакеце — Мінздароўя
Міністэрства аховы здароўя рэкамендуе пры аддаленым навучанні адпраўляць настаўніку выкананыя хатнія заданні па электроннай пошце, паведаміла намеснік начальніка аддзела гігіены, эпідэміялогіі і прафілактыкі Мінздароўя Іна Карабан падчас стрыму на YouTube-канале Нацыянальнага прэс-цэнтра, перадае БЕЛТА.
«У век тэхналогій хатнія заданні можна выконваць на камп'ютары і высылаць па электроннай пошце настаўніку», — адзначыла Іна Карабан.
Калі такой магчымасці няма, а настаўнік усё ж хоча максімальна сябе засцерагчы, працаваць са школьнымі сшыткамі ён можа, надзеўшы пальчаткі. Потым трэба змясціць пальчаткі ў пакет, які зачыняецца, і выкінуць у скрыню.
Кажучы пра тое, колькі каранавірус можа жыць на сшытках, Іна Карабан адзначыла, што гэтае пытанне недастаткова вывучана. На пэўнай паверхні могуць захоўвацца рэшткі РНК, якія разам з тым не выклікаюць захворвання.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары