Журналіст «СБ»: Карэспандэнт Першага канала Кручынін — недачалавек
Дзяржаўная «Советская Белоруссия» адрэагавала на скандал з расійскім журналістам «Першага канала» Аляксеем Кручыніным, якога пасля рэпартажу са Стоўбцаў пра сітуацыю з каранавірусам у Беларусі пазбавілі акрэдытацыі і выслалі з нашай краіны.
Работнік «СБ» Дзмітрый Крат, які яшчэ нядаўна параўноўваў незалежных журналістаў з «трупаедами», цяпер пайшоў у атаку на расійскіх прапагандыстаў з «Першага канала».
«А апагеем гэтай ганебнай з'явы стаў рэпартаж з Беларусі карэспандэнта расійскага Першага канала Аляксея Кручыніна. Тое пачуццё гідлівасці і агіды, якое ён пакінуў, прымушае шкадаваць, што я назваў медыйных трупаедаў менавіта так, як назваў. Тут трэба было выкарыстоўваць слова мацнейшае. Але, баюся, для друку яно не пасуе. Такім чынам, што ж вытварыў гэты недажурналіст і, адважуся сказаць, недачалавек», — піша Крат.
Далей ён аналізуе сюжэт расійскіх прапагандыстаў са Стоўбцаў.
У сюжэце быў буйны план магілы маладой дзяўчыны. Насамрэч гэтая дзяўчына загінула ў аўтакатастрофе ў лістападзе мінулага года.
«Першымі ашуканства заўважылі супрацоўнікі сеціўнага выдання «Наша Нiва», якіх у вялікай любові да дзяржавы ну ніяк не западозрыш», — піша работнік «СБ».
Далей Крат крытыкуе тое, што расійская здымачная група здымала могілкі, прычым свежыя магілы: гэта маніпуляцыя, бо ў 17-тысячным горадзе кожны дзень паміраюць людзі.
Таксама Крат раскрытыкаваў расійскіх прапагандыстаў за тое, што яны не ўзялі ніводнага «прафесійнага» каментара. Больш за тое, журналіст «СБ» назваў Кручыніна сцярвятнікам.
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай9
Каментары