Цапкала арандуе зямлю пад катэдж за Нацбібліятэкай. Плаціць па 20 рублёў на месяц
Заявіўшы аб прэзідэнцкіх амбіцыях, экс-дырэктар Парка высокіх тэхналогій Валерый Цапкала прыцягнуў увагу да сваёй персоны. Эксперты разыходзяцца ў інтэрпрэтацыях прычын такога рашэння Цапкалы.
Тэлефон прэтэндэнта на пасаду прэзідэнта быў у дзень абвяшчэння свайго жадання балатавацца недаступны, прэс-сакратара ці штаба ў яго пакуль няма ці, прынамсі, ён нікому не вядомы.
Таму карэспандэнт «Нашай Нівы» паспрабаваў задаць экс-чыноўніку некалькі пытанняў ужывую.
На жаль, Цапкала адмовіўся ад кантакту з прэсай. Маладая жанчына ўдакладніла ў яго адказ і сказала па дамафоне, што паразмаўляць не ўдасца.
Чытайце. Заснавальнік Парка высокіх тэхналогій Валер Цапкала ідзе на выбары
Сям'я Цапкалаў жыве ў катэджавым пасёлку за Нацыянальнай бібліятэкай. Гэта адно з самых статусных месцаў Мінска — параўнальнае з Драздамі. Большасць яго суседзяў — паспяховыя бізнэсмены. Некаторыя з іх выкуплялі драўляныя хаты ў мясцовых жыхароў і ўзводзілі свае катэджы.
Але Цапкала пайшоў іншым шляхам. У 2013 годзе Мінгарвыканкам даў яму ўчастак на Цяплічным завулку ў арэнду на 99 гадоў. Чаму менавіта яму? Незразумела. Іншыя ўчасткі на гэтай вуліцы так не выдаваліся.
Цапкала плаціць за суперэлітную зямлю 231 рубель на год — менш за 20 рублёў на месяц.
На ўзятым у арэнду ўчастку экс-чыноўнік за некалькі гадоў пабудаваў катэдж плошчай каля 420 квадратных метраў. Пры рэгістрацыі Цапкала запэўніў, што будаваўся за кошт уласных сродкаў.
Разам з тым, паводле інфармацыі «Нашай Нівы», менавіта гэты катэдж і патапіў кар'еру Цапкалы, бо ягоны кошт і выбар выканаўцы работ выклікаў пытанні адпаведных органаў.
Чытайце: «Вы б і Стыва Джобса арыштавалі»: пяць фактаў пра Валерыя Цапкалу
«Больш за ўсё паскудстваў прычыняе яўрэёныш». Дзіцячая доктарка з Мінска шакавала антысеміцкімі выказваннямі36
Каментары