Данатэла Версачэ сыходзіць з пасады крэатыўнай дырэктаркі Versace пасля 28 гадоў працы
Упершыню ў гісторыі дызайн Versace будзе распрацоўваць не хтосьці з вядомай італьянскай сям'і. Пасаду крэатыўнага дырэктара зойме Дарыё Вітале.
Данатэла Версачэ цяпер будзе выконваць ролю амбасадаркі брэнда. Пра свой адыход з пасады крэатыўнай дырэктаркі яна напісала ў інстаграме.
«Для мяне было найвялікшым гонарам працягваць справу майго брата Джані. Ён быў сапраўдным геніем, але я спадзяюся, што ўва мне ёсць частка яго духу і зацятасці», — сказала яна.
Данатэла Версачэ адказвала за дызайны Versace з 1997 года — адразу пасля смерці яе брата Джавані.
Прычыны такіх зменаў у кампаніі Данатэла Версачэ не раскрыла, але The New York Times піша, што гэта можа быць звязана з рашэннем Capri Holdings, якому належыць кантрольны пакет акцый Versace, прадаць брэнд. Па чутках, цікавасць да Versace праяўляе Prada Group.
Пасаду крэатыўнага дырэктара Versace зойме Дарыё Вітале — 42-гадовы дызайнер з Неапаля. 1 красавіка ў Versace ён пераходзіць з брэнда Miu Miu, які належыць Prada.
Эмануэль Гінцбургер, генеральны дырэктар Versace з 2022 года, назваў Вітале «рэдкім талентам, які глыбока паважае сутнасць і каштоўнасці Versace і выразна разумее патэнцыял яго росту».
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары