Грамадства4343

«Супраць рэжыму мусіць быць поўная блакада». Паліна Шарэнда-Панасюк выступіла з вострай прамовай у Еўрапарламенце

У французскім Страсбургу 11 сакавіка адбылася адмысловая пленарная сесія Еўрапарламенту, прысвечаная Міжнароднаму дню жанчын. Перад прыблізна 700 парламентарыямі выступілі Святлана Ціханоўская і нядаўна вызваленая былая палітзняволеная Паліна Шарэнда-Панасюк. Прамова Шарэнды-Панасюк была вельмі вострай і цвёрдай, піша «Белсат».

Паліна Шарэнда-Панасюк на трыбуне Еўрапарламента. Скрыншот з відэа

Паліна Шарэнда-Панасюк сказала ў сваёй прамове, што яна чатыры гады была закладніцай рэжыму Лукашэнкі і «прайшла праз пекла турмаў дыктатара, які ў нязменным выглядзе захаваў метады фізічнага і псіхічнага вынішчэння сталінскага ГУЛАГу».

«Чатыры гады поўнай ізаляцыі ад свету, ад дзяцей і родных. Чатыры гады адзіночных камераў, перасыльных вагонаў, 270 дзён ШІЗА — месцаў ізаляцыі і катаванняў. Але я вытрымала і выйшла на свабоду».

Былая палітзняволеная падкрэсліла, што цяпер на волі ў тым ліку дзякуючы прынцыповай пазіцыі дэпутатаў Еўрапарламента. Яна асобна падзякавала прэзідэнтцы Еўрапарламента Раберце Метсола за ўсе захады, зробленыя дзеля яе, Паліны, вызвалення. Метсола падчас зняволення Паліны Шарэнды-Панасюк была яе еўрапейскай «хроснай».

Паліна нагадала, што за кратамі ўсё яшчэ застаюцца тысячы іншых палітвязняў, сярод якіх — яе паплечнікі з руху «Еўрапейская Беларусь»: Яўген Афнагель, Максім Вінярскі, Андрэй Войніч, Павел Юхневіч.

«Шмат пра каго з палітвязняў няма звестак ужо больш за два гады, як пра аднаго з лідараў беларускай нацыі Міколу Статкевіча. Невядома, ці ўвогуле жывы ён. Катастрафічнае становішча ў жанчын-палітзняволеных: Вікторыі Кульшы, Алены Гнаук, Вольгі Маёравай. Я вельмі трывожуся за іхняе жыццё», — казала Паліна Шарэнда-Панасюк.

Былая палітзняволеная заклікала не верыць беларускім уладам, што палітвязні нібыта выпускаюцца праз гуманізм.

«Не. З людзей катаваннямі выбіваюць прашэнні да Лукашэнкі аб памілаванні, прымушаюць даваць «пакаянныя» інтэрв’ю і падпісваць паперы пра супрацу з КДБ. Людзей калечаць, шантажуюць, пагражаюць ціскам на сваякоў, забіраюць дзяцей і маёмасць. Сотні тысяч беларусаў пад пагрозай новых рэпрэсіяў былі вымушаныя ўцякаць з краіны», — казала жанчына.

Паліна Шарэнда-Панасюк заклікала Еўрапарламент да ўзмацнення рэальнага ціску на рэжым, не толькі праз увядзенне новых санкцыяў і дасканалага кантролю над іх ажыццяўленнем:

«Супраць рэжыму Лукашэнкі мусяць быць уведзеныя поўная блакада і гандлёвае эмбарга. Праз канцлагер пад назваю Беларусь не павінна быць аніякага транзіту тавараў, што ідуць у Еўропу з Кітаю і іншых краінаў Усходу. Рэжым павінен зрабіцца поўным ізгоем у палітычным, эканамічным і спартыўным плане».

«Без вольнай Беларусі існаванне свабоды і дэмакратыі ў Еўропе заўжды будзе пад пагрозаю, у тым ліку расійскай агрэсіі. Таксама перамога ва Украіне не будзе магчымай і поўнай без свабоднай Беларусі. […] Мы змагаемся за тыя каштоўнасці, на якіх заснаваны Еўрасаюз. У гэтай барацьбе нам патрэбная ваша дапамога», — падсумавала сказанае Шарэнда-Панасюк.

Каментары43

  • Пыл
    11.03.2025
    Каб было разуменне, што такое гэты псеўда-Парламент: [Рэд. выдалена]
    Туды высылаюць фрыкаў і пенсаў чыноўнікаў, непатрэбных на радзіме. Ніякіх рашэнняў там не прымаецца!
    Гэта менавіта адтуль нам вешаюць лухту пра вялікую занепакоенасць, каб "незалежныя" СМІ нас супакойвалі. Справы робяцца кожнай краінай, як ім трэба.
    Каб блакаваць Беларусь, дастаткова проста дамовіцца з Польшчай і Літвой - УСЁ. Але яны не пойдуць на гэта, бо грошы ня маюць паху!

    [Зрэдагавана]
  • Дон
    11.03.2025
    Еўрасаюзу - гэта ўсё да аднаго места. Трэба Паліне ехаць да Дональда, ён ужо астанаўлівая вайну ва Ўкраіне.
  • Васіль
    11.03.2025
    Якія санкцыі прывялі да вызваленьня Шарэнды-Панасюк?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Мельнікава пазычала грошы актывістам у Варшаве і не прасіла вярнуць»1

«Мельнікава пазычала грошы актывістам у Варшаве і не прасіла вярнуць»

Усе навіны →
Усе навіны

У Мінску плануюць знесці яшчэ адзін прыватны сектар. Але будаваць шматпавярховікі не будуць2

На падворку Дома друку ў Мінску знайшлі велізарны жоран

Ад заўтра будзе да +28°С3

Кітайская закусачная прадавала кліентам капсулы з чалавечай плацэнты для «ўмацавання здароўя»

Рыжанкова сустрэлі ў Зімбабвэ з нацыяльным каларытам і аркестрам7

Беларус уз'еўся на «Аэрафлоцкія» і «Алёнку»: што не так з гэтымі цукеркамі10

У Брэсце жанчына не змагла атрымаць дапамогу ў бальніцы, бо лічылася памерлай

90% «зялёных» аўтамабіляў у Беларусі — гібрыды 1

Байдэн упершыню выступіў з прамовай пасля сыходу з пасады3

больш чытаных навін
больш лайканых навін

«Мельнікава пазычала грошы актывістам у Варшаве і не прасіла вярнуць»1

«Мельнікава пазычала грошы актывістам у Варшаве і не прасіла вярнуць»

Галоўнае
Усе навіны →

Заўвага:

 

 

 

 

Закрыць Паведаміць