Беларусы напісалі ў Канстытуцыйны суд больш за 113 скаргаў. Міклашэвіч: Прыдатныя толькі 5% з іх
Пасля прыняцця зменаў у Канстытуцыю беларусам дазволілі звяртацца са скаргамі ў Канстытуцыйны суд — калі раптам яны палічыць, што ў галоўным законе краіне нешта не так. Які вынік рэформы?
Старшыня Канстытуцыйнага суда Пятро Міклашэвіч пахваліўся, як актыўна беларусы пішуць яму скаргі.
«Грамадзяне даволі актыўна рэалізуюць сваё права на зварот з канстытуцыйнай скаргай. У 2024 годзе ў Канстытуцыйны Суд паступіла 103 канстытуцыйныя скаргі, а за два месяцы 2025-га — больш за 10 такіх скаргаў», — расказаў ён Sb.by
Па словах Міклашэвіча просяць праверыць працоўныя, жыллёвыя, пенсійныя, падатковыя, працэсуальныя і іншыя праваадносіны.
Але што ж суддзі зрабілі з гэтымі больш чым 113 скаргамі?
Як прызнаўся Міклашэвіч, патрабаванням адпавядаюць толькі каля 5% ад усіх пададзеных скаргаў. Калі казаць у абсалютных лічбах, то атрымліваецца ўсяго 5 ці 6 прыдатных зваротаў.
Пакуль Канстытуцыйны суд пагадзіўся толькі з адной скаргай — беларусу не спадабалася, што начальнік абласнога ДАІ не аб'яднаў тры яго правапарушэнні ў адзін адміністрацыйны працэс. Тады б, як ён палічыў, пакаранне магло б быць больш мяккім. Таму суддзі параілі парламенту перагледзець фармулёўкі ў заканадаўстве.
Чытайце: Беларус прымусіў Канстытуцыйны суд пераглядзець заканадаўства
Яшчэ некалькі скаргаў знаходзяцца ў працэсе разгляду.
Каментары