У Чэхіі восьмы дзень фіксуюць менш за 100 выпадкаў заражэння каранавірусам
Чэшскія медыкі рэгіструюць менш за 100 новых выпадкаў заражэння каранавірусам у рэспубліцы восьмы дзень запар. Пра гэта паведаміла ў суботу чэшскае Міністэрства аховы здароўя.
Паводле яго даных, у Чэхіі (у краіне жыве 10,5 млн чалавек) у пятніцу было выяўлена 46 інфіцыраваных. З пачатку сакавіка ў рэспубліцы зафіксавана 8078 выпадкаў заражэння, 273 чалавекі памерлі, 4414 выздаравелі.
З 1 сакавіка, калі Міністэрства аховы здароўя аб'явіла пра з'яўленне інфекцыі на нацыянальнай тэрыторыі, аналізы на каранавірус здалі 298 649 жыхароў Чэхіі. З 12 сакавіка ў рэспубліцы дзейнічае рэжым надзвычайнай сітуацыі, які ўлады плануюць адмяніць 17 мая, калі эпідэміялагічная сітуацыя не пагоршыцца.
Каментары