У Магілёве 12-гадовы школьнік адчыніў дзве машыны, а адну з іх спрабаваў здаць на металалом
У ноч з 4 на 5 красавіка ў Магілёве 12-гадовы школьнік спрабаваў скрасці «Аўдзі» і «Фольксваген», паведамляе тэлеграм-канал «Шукае міліцыя».
Спачатку хлопец зламаў дзвярны замок у Audi, трапіў у салон і паспрабаваў запусціць рухавік, замкнуўшы правады замка запальвання. У яго не атрымалася. Спроба з Volkswagen таксама была правальнай. Тады малады чалавек вырашыў здзейсніць злачынства інакш.
З дапамогай мужчыны, якога ён сустрэў непадалёк, школьнік паспрабаваў адкаціць аўтамабіль да пункта прыёму металалому. План быў такі, каб здаць машыну на металалом, а грошы падзяліць. Аднак супрацоўнікі міліцыі выявілі пакінуты зламыснікамі аўтамабіль, і вярнулі яго ўладальніку.
Хлопца паставяць на ўлік у інспекцыі па справах непаўналетніх, а яго маці прыцягнуць да адказнасці.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары