У Расіі аб'яднаюць Архангельскую вобласць і Ненецкую аўтаномную акругу. Пра гэта заявіў часовы выканаўца абавязкаў кіраўніка аўтаномнай акругі Юрый Бяздудны ў размове з радыёстанцыяй «Говорит Москва».
Рэферэндум па аб'яднанні пройдзе ўжо ў 2020 годзе.
Адной з прычын аб'яднання Ненецкай аўтаномнай акругі (НАА) і Архангельскай вобласці стаў катастрафічны стан бюджэту НАА.
Амаль палова даходаў бюджэту цяпер выпадае з-за сітуацыі на нафтавым рынку, паколькі ён быў разлічаны з цаны на нафту 57 даляраў за бараль. Пры гэтым улады абавязаныя выконваць фінансавыя абавязацельствы перад жыхарамі — выплачваць льготы, субсідыі.
Гэта ўжо не першая ліквідацыя нацыянальных аўтаномных акругаў у сучаснай гісторыі Расіі.
У перыяд з 2003 па 2008 год у Расіі праходзіла аб'яднанне аўтаномных акругаў з іншымі рэгіёнамі. У выніку аб'яднання колькасць суб'ектаў Расіі скарацілася з 89 да 83, з іх аўтаномных акругаў засталося 4 з 10.
У 2003 годзе пачалося стварэнне Пермскага краю — Пермская вобласць аб'ядналася з Комі-Пярмяцкай аўтаномнай акругай. Афіцыйна новы рэгіён з'явіўся ў 2005 годзе.
У 2007 годзе ў Краснаярскі край увайшлі дзве яго аўтаномныя акругі. У гэтым жа годзе пасля аб'яднання Камчацкай вобласці і Каракскай аўтаномнай акругі ўтварыўся Камчацкі край.
У 2008 годзе Іркуцкая вобласць паглынула Усць-Ардынскую Бурацкую акругу, а Чыцінская вобласць і Агінская Бурацкая аўтаномная акруга аб'ядналіся ў Забайкальскі край.
-
Бенгальскія агні на шампанскім сталі прычынай пажару ў бары ў Швейцарыі, дзе загінулі 40 чалавек
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары