Цапкала: Лукашэнка разбіраўся, колькі певень можа пакрыць курэй
На думку Валерыя Цапкалы, у 1994-м годзе Лукашэнку выбралі справядліва.
«І ў той час ён быў сапраўды блізкі, ён падабаўся маёй бабулі, бо ведаў, колькі ад свінні павінна нарадзіцца парсючкоў, ён быў блізкі выхадцам з вёсак, бо ведаў, колькі курэй можа пакрываць адзін певень. Гэта было вельмі блізка, гэта імпанавала. Але я думаю, даўно трэба сыходзіць ад сельскага ўкладу, мы цэлыя ўрады мяняем. Мінулы ўрад памянялі, бо пакасілася дзверы ля свінарніка, не быў адрамантаваны дах. Тут трэба мяняць сістэму. Напэўна, ва ўсёй Беларусі каровы не ходзяць пад музыку, іх не пояць півам, не робяць масажы, гэта стандартная сітуацыя для ўсёй рэспублікі», — сказаў Цапкала.
Адказваючы на закіды, што ён паспрыяў прыходу Лукашэнкі да ўлады, ён сказаў, што тады ў 1994-м ніхто не думаў, што гэта будзе надоўга. Тады Канстытуцыя прадугледжвала, што максімальна можна кіраваць 10 гадоў, і прывёў у прыклад першага прэзідэнта ЗША Джорджа Вашынгтона, якому прапаноўвалі трэці тэрмін, але той сказаў, што закон ёсць законам і мяняць яго ён не можа.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект5
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары