У міліцыю звярнуўся 52-гадовы магілёвец з заявай аб тым, што яго абрабавалі: скралі магнітолу і тэлевізар з аўтамабіля. Кошт выкрадзенай тэхнікі — 900 рублёў.
Міліцыянты высветлілі, што патрульныя раней затрымалі мужчыну, які спаў на вуліцы, а побач ляжалі магнітола і тэлевізар. Мужчына быў моцна п'яны і не змог растлумачыць міліцыянтам паходжанне аўтамабільнай тэхнікі побач з ім, як і прычыну, па якой ён апынуўся на вуліцы ў падобным стане.
Следства высветліла, што затрыманы, 26-гадовы беспрацоўны магілёвец, узламаў дзверы чужой машыны, скраў тэхніку і, вырашыўшы адсвяткаваць поспех, купіў у краме спіртное. Выпіўшы, хлопец не змог дайсці да хаты, паколькі моцна ап'янеў і заснуў проста на вуліцы, дзе і быў затрыманы.
Завялі крымінальную справу.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе4
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары