У Брэсце выпусцілі дзве мадэлі шкарпэтак па матывах упаковак папулярных цукерак
Салодкая калекцыя Брэсцкага панчошнага камбіната папоўнілася двума экзэмплярамі дызайну. Пра гэта расказаў акаўнт прадпрыемства ў Threads, піша Blizko.by.
Як і папярэднія экзэмпляры, шкарпэткі спакаваныя ў тэматычную скрыначку ў выглядзе цукеркі, якая выкананая ў дызайне цукерак «Сталічныя» ці «Любімая Алёнка». Самі шкарпэткі таксама аформленыя ў выглядзе адпаведных цукерак: «Сталічныя» — жоўтыя з карычневым надпісам (але без контуру Палаца спорту), «Любімая Алёнка» — белая з чырвоным гарошкам і надпісам на костачках «Салодкая, як «Любімая Алёнка».
Набыць шкарпэткі можна будзе ў любой краме адзення. Раней у серыі «Салодкая калекцыя» выходзілі шкарпэткі па матывах цукерак «Грыльяж», «Знічка», а таксама замежных прысмакаў M&M’s, Snickers, Milky Way, Twix і Bounty.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары