Бабарыка пра адмову ў рэгістрацыі: Уявіце, што на падачу скаргі прыйдзе 300 тысяч чалавек
Прэтэндэнт на пасаду прэзідэнта Віктар Бабарыка ў эфіры расійскай радыястанцыі «Эхо Москвы» абмеркаваў сітуацыю ў Беларусі. Гаворка зайшла пра дзеянні на выпадак яго магчымай нерэгістрацыі.
— Мы сабралі і будзем падаваць больш за 300 тысяч. І калі па нейкіх — я нават не ўяўляю па якіх — прычынах можа адбыцца нерэгістрацыя, то ў нас ёсць некалькі варыянтаў развіцця падзей. Пачынаючы з таго, што мы будзем аспрэчваць гэта рашэнне ў судзе. У нас ёсць пераканаўчыя доказы адпаведнасці ўсіх працэдур, якія мы прайшлі.
— Мы размаўляем з вамі з таго горада, дзе жывых людзей прыводзілі ў якасці сведчання, што гэта яны паставілі подпісы. І тым не менш кандыдаты не былі зарэгістраваныя.
— Я згодны. Але не ведаю, колькі ў вас [прыходзіла], уявіце, што прыйдзе 300 тысяч чалавек.
— У нас у Маскве гэта б дакладна назвалі «майданам». І дзейнічалі б адпаведным чынам.
— Пачакайце. Усё залежыць ад таго, як яны прыйдуць. Ёсць шмат варыянтаў прыйсці спакойна, з падачай скаргі.
— У нас ніхто спакойна не прыходзіў.
— Беларусы — спакойныя людзі, усё будзе нармальна.
Каментары