Да 21 чэрвеня можна падацца ў члены ўчастковых выбарчых камісій. Тлумачэнне, як гэта робіцца
Да 21 чэрвеня (нядзеля) адбываецца вылучэнне прадстаўнікоў у склад участковых выбарчых камісій — тых, якія праводзяць галасаванне і лічаць галасы на ўчастках.
Тыя, хто хоча падацца, могуць зрабіць гэта наступнымі спосабамі:
1) сабраўшы 10 подпісаў суседзяў, жыхароў таго ж населенага пункта,
2) ад адной з зарэгістраваных палітычных партый, прафсаюзаў (вам для гэтага, магчыма, давядзецца часова ўступіць у гэтую арганізацыю).
Уся інфармацыя, як падацца ў выбарчыя камісіі, ёсць на сайце праваабарончай ініцыятывы «Права выбару».
А таксама на сайце іншай ініцыятывы, запушчанай штабам Віктара Бабарыкі. Яна называецца «Сумленныя людзі» і задуманая, каб людзі маглі скаардынавана пакрыць удзельнікамі камісій і назіральнікамі ўсю краіну. На гэтым сайце вы можаце пабачыць, дзе людзі ўжо падаліся ў камісію і назіральнікі, а дзе ўчастак яшчэ не пакрыты.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары