Непрыемны пах з сістэмы водазабеспячэння ўдалося вывесці, але забарона на выкарыстанне вады для піцця пакуль не знята. Пра гэта паведамляе «Мінскводаканал», таксама на сайце прадпрыемства апублікавалі вынікі ранішніх і ўчорашніх пробаў вады.
«Мінскводаканал» апублікаваў інфармацыю па стане на 9 раніцы 26 чэрвеня, пятніца.
«Добрай раніцы, мінчукі! Каманда Мінскага водаканала з калегамі працавалі ў бесперапынным рэжыме, каб вывесці з сістэмы водазабеспячэння непрыемны пах. Вынікі даследаванняў за ноч сведчаць аб тым, што нам разам гэта ўдалося! Па ўсіх паказчыках якасці, па дадзеных акрэдытаванай лабараторыі УП «Мінскводаканал», вада ў размеркавальнай сетцы горада Мінска адпавядае санітарным правілам і нормам».
Пакуль забарона на выкарыстанне вадаправоднай вады для піцця дзейнічае, але «Мінскводаканал» спадзяецца, што яе здымуць у найбліжэйшы час — пасля пацверджання якасці вады Мінскім гарадскім цэнтрам гігіены.
Прадпрыемства дзякуе мінчукам за цярпенне і разуменне.
У выпадку ўзнікнення пытанняў па якасці вады просьба звяртацца па тэлефонах 115 або 389 40 90, 389 40 51 для неадкладнага прыняцця мер.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы13
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары