Прэзідэнта Ісландыі пераабралі на выбарах з вынікам вышэйшым, чым у Лукашэнкі
Выбары прэзідэнта Ісландыі ўпэўнена выйграў дзейны кіраўнік краіны Гвюдні Ёўханесан, які ў 2016 годзе стаў самым маладым прэзідэнтам у гісторыі краіны з моманту атрымання незалежнасці ў 1944 годзе, паведамляе ісландскае тэлебачанне.
Ёўханесан атрымаў 92,2% галасоў, а яго супернік Гюрмундур Франклін Ёнсан — 7,8% галасоў.
Выбары прэзідэнта прайшлі ў Ісландыі 27 чэрвеня, у іх узяў удзел 168 821 жыхар астраўной дзяржавы. У Ісландыі 365 тысяч насельніцтва.
52-гадовы Ёўханесан, якi не належаў да нейкай палітычнай партыі, займае пасаду прэзідэнта Ісландыі з 2016 года. Прэзідэнт у Ісландыі выконвае, у асноўным, прадстаўнічыя функцыі, але ў яго ёсць права накладваць вета на прынятыя законы і склікаць рэферэндумы.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары