Гісторык, які хацеў паставіць у Мінску помнік цару: Сістэму нельга расхістваць, якія б ні былі да яе прэтэнзіі
Найважнейшы фактар развіцця дзяржавы — гэта ўстойлівасць. Сістэму адносін, якая склалася ў краіне, ні ў якім выпадку нельга расхістваць. Такое меркаванне выказаў карэспандэнту БелТА загадчык кафедры гісторыі новага і найноўшага часу Беларускага дзяржаўнага ўніверсітэта, заслужаны работнік адукацыі Уладзімір Кошалеў.
73-гадовы гісторык адзначыў, што Беларусь «развіваецца ўстойліва і паступова, без рэзкіх, скачкападобных зменаў. І гэта добра дазваляе дамагацца найлепшых вынікаў».
Сучасны этап гісторыі Уладзімір Кошалеў ахарактарызаваў як «вельмі неспакойны, турбулентны і непрадказальны».
У такой сітуацыі, на яго думку, асабліва важна, як павядзе сябе грамадства. «Найважнейшым фактарам развіцця з'яўляецца ўстойлівасць. Ні ў якім разе нельга расхістваць тую сістэму адносін, якая склалася ў нашай краіне, якія б ні былі да яе прэтэнзіі. Варта толькі разбурыць гэтую сістэму, і ўсё паляціць дагары нагамі. Мы не выстаім», — лічыць Уладзімір Кошалеў.
Чытайце таксама:
Прафесар БДУ патрабуе паставіць у Мінску помнік імператару Аляксандру ІІ
-
Фядута — Калеснікавай: Машанька, ці вярніцеся на Месяц, ці не вучыце жыць тых, хто стаміўся набіваць гузы ад чарговага наступання на граблі
-
Мінску трэба выдушыць з сябе правінцыйнасць і вярнуць нахабства і бляск Вялікага Горада
-
Каму яшчэ што можа стаць трэба «для нацыянальнай бяспекі» і як тут быць Беларусі
Каментары