Дзяржаўны тэлеканал назваў акупацыю Чэхаславаччыны ў 1968-м «інтэрнацыянальнай дапамогай»
Віцебская дэсантная брыгада прайшла годны шлях, паведаміў сёння дзяржаўны тэлеканал АНТ. У пераліку — «інтэрнацыянальная дапамога Чэхаславаччыне ў 1968-м і баі за афганскія гарады Кабул і Баграм».
Між тым чэхі лічаць 1968 год акупацыяй краіны. Тады войскі СССР і яго сатэлітаў уварваліся на тэрыторыю Чэхаславацкай Рэспублікі, адхілілі ад улады яе кіраўніцтва на чале з Дубчакам і замянілі яго на прасавецкае на чале з Гусакам. Краіна заставалася пад кантролем СССР да мірнай рэвалюцыі 1989 года.
Афганцы, зрэшты, таксама лічаць падзеі 1979—1989 гадоў акупацыяй. Тады савецкі спецназ забіў прэзідэнта краіны Аміна і ўзяў Афганістан пад свой кантроль, але, сутыкнуўшыся з партызанскім супраціўленнем, праз 10 гадоў пакінуў краіну. На той бясслаўнай вайне загінула больш за 700 беларусаў.
Фармулёўка «інтэрнацыянальная дапамога» ўжывалася ў савецкі час як эўфемізм для каланіяльных па сваёй сутнасці аперацый.
«П****ец адбыўся». Вольга Кавалькова патлумачыла, чаму адышла ад палітыкі і царквы і як трансфармуе боль у любоў12
Каментары