У Віцебску за «хуліганства» затрымалі чацвярых назіральнікаў. Але потым папрасілі прабачэння і адпусцілі
У Віцебску 5 жніўня, у другі дзень датэрміновага галасавання на прэзідэнцкіх выбарах, на выбарчых участках №12, 13 і 14 затрымалі чацвярых назіральнікаў. Адміністрацыя школы №25, дзе знаходзяцца гэтыя ўчасткі, не дазваляла ім знаходзіцца ў будынку і выклікала міліцыю. Тая склала пратакол за дробнае хуліганства і адвезла затрыманых у РАУС. Аднак пасля разбору міліцыянты іх адпусцілі, папрасілі прабачэння і паведамілі, што ў будынку школы назіральнікам знаходзіцца не забаронена, піша Tut.by.
У СШ №25 на вуліцы Чкалава знаходзяцца тры ўчасткі для галасавання: №12, 13 і 14.
Пра тое, што адбылося ў школе, Tut.by распавёў адзін з затрыманых незалежных назіральнікаў — Андрэй Кешанюк.
— На ўчастку №12 сёння ўжо знаходзіліся тры назіральнікі — а больш чалавек, па рашэнні ЦВК, на датэрміновым галасаванні быць не можа. Нам, незалежным назіральнікам, старшыня ўчастковай камісіі Аляксей Панцылееў дазволіў знаходзіцца ў фае школы і сачыць за тым, што адбываецца каля дзвярэй на ўчастак. Аднак дырэктар СШ №25 Наталля Нікіфарава папрасіла нас пакінуць будынак школы: маўляў, мы — староннія людзі і мяшаем выбарчаму працэсу.
Андрэй Кешанюк удакладніў, якім заканадаўчым дакументам дырэктарка кіруецца, забараняючы назіральнікам знаходзіцца ў школе. Наталля Нікіфарава патлумачыла, што ўнутраным рэжымам навучальнай установы — староннія асобы знаходзіцца тут не павінны. І прапанавала назіральнікам выйсці на вуліцу: маўляў, сёння добрае надвор'е, а ў двары школы ёсць лаўка.
Аднак назіральнікі спрабавалі адстаяць сваё права весці назіранне за датэрміновым галасаваннем, і ў школу выклікалі нарад міліцыі.
Спачатку міліцыянты спрабавалі выслухаць абодва бакі канфлікту і вырашыць яго. Аднак потым назіральнікам паведамілі, што ў дачыненні да іх распачата адміністрацыйнае разбіральніцтва па артыкуле 17.1 КаАП (Дробнае хуліганства).
У РАУС павезлі двух назіральнікаў з участка №12, і па адным — з участкаў №13 і 14.
— Пратаколы мы не падпісвалі. Пасля разгляду ў РАУС усіх чацвярых адпусцілі. Сказалі, што ніякіх прэтэнзій да нас не маюць. Папрасілі прабачэння за дастаўленыя нязручнасці і паведамілі, што мы можам знаходзіцца ў будынку школы, што ў гэтым няма ніякага правапарушэння, — распавёў Андрэй Кешанюк.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары