Святлана Ціханоўская запатрабавала мірнай перадачы ўлады, лічыць сябе пераможцай выбараў
Святлана Ціханоўская запатрабавала мірнай перадачы ўлады, лічыць сябе пераможцай выбараў. Яе штаб сцвярджае, што за яе прагаласавалі больш за 70 працэнтаў выбарцаў. Яе штаб мае ўжо каля 250 пратаколаў з участкаў.
«Улада нас не чуе, яна цалкам адарвалася ад народа, але я павінна паўтарыць, што мы за мірныя перамены. І ўлада павінна зараз падумаць, як мірным спосабам перадаць гэтую ўладу, таму што на гэты момант у іх толькі адзін спосаб — гвалт над мірнымі беларусамі», — заявіла Ціханоўская.
Кандыдат у прэзідэнты Беларусі таксама заявіла, што цяперашняя ўлада спрабуе ўтрымаць свае пазіцыі «сілавымі метадамі», хоць у ходзе галасавання «выбаршчыкі зрабілі свой выбар».
Паводле афіцыйных даных ЦВК Беларусі, за Лукашэнку прагаласавалі больш за 80,2% тых, хто прыйшоў на ўчасткі выбаршчыкаў, за Ціханоўскую — 9,9%. У штабе Ціханоўскай вынікі не прызнаюць.
Па словах даверанай асобы Ціханоўскай, даныя з участкаў па ўсёй Беларусі паказваюць, што апазіцыйны кандыдат выйграла выбары, атрымаўшы падтрымку 70-80% выбаршчыкаў.
Каментары