Аршанскага святара, які вазіў дзяцей на расійскія вайсковыя зборы, будуць судзіць за парнаграфію
У раскладзе суда Аршанскага раёна і Оршы на 9 студзеня 2025 года фігуруе імя Алега Уладзіміравіча Плаксіцкага. Мужчыну абвінавачваюць па ч. 1 арт. 343 КК РБ — выраб і распаўсюд парнаграфічных матэрыялаў або прадметаў парнаграфічнага характару, паведамляе «Хрысціянская візія».
Ініцыялы абвінавачанага супадаюць з дадзенымі настаяцеля і штатнага іерэя двух храмаў — Нараджэння прасвятой Багародзіцы ў в. Друцк Талачынскага раёна і архангела Міхаіла ў Оршы.
На сайце віцебскай епархіі паведамленні пра іерэя выходзяць рэгулярна: яшчэ два тыдні таму ён праводзіў экскурсію ў храме для аршанскіх гімназістаў.
Іерэй Алег Плаксіцкі трапіў у скандальную гісторыю ў 2016 годзе, калі стала вядома, што ён разам з іншым віцебскім святаром Аляксандрам Кавалёвым удзельнічалі ў арганізацыі трэніровак падлеткаў з Віцебскай вобласці ў расійскіх неанацысцкіх лагерах.
На асабістай старонцы ў сацсетках у іерэя Алега Плаксіцкага шмат публікацый у падтрымку Расіі і расійскай агрэсіі.
Цяпер чытаюць
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі4
Сын міністра Кубракова стаў начальнікам Цэнтральнага РУУС Мінска. Маёр, але будзе кіраваць палкоўнікамі
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары