Харкаўскі губернатар Аляксей Кучар пагутарыў з 20-гадовым курсантам Вячаславам Залачэўскім, адзіным, хто выжыў у катастрофе самалёта Ан-26 пад Чугуевам, паведамляе Громадське.
«Сказаў, што ўсё адбывалася як у камп'ютарнай гульні: калі ён апрытомнеў, то ўбачыў, як гарыць яго таварыш. Дапамагаў тушыць полымя на тым хлопцы, які знаходзіўся ў шпіталі і, на жаль, сёння памёр», — пераказаў Кучар словы курсанта.
Кіраўнік вобласці распавёў, што хлопец усяго не памятае, таму што на час страціў прытомнасць. Калі прыйшоў у сябе, то вылез з-пад абломкаў самалёта і пачаў тушыць таварыша. У той жа час інфармацыю аб тым, што ён нібыта выскачыў з самалёта, хлопец не пацвердзіў.
Авіякатастрофа Ан-26 у Харкаўскай вобласці адбылася ўвечары 25 верасня. З 27 чалавек на борце (20 курсантаў Харкаўскага нацыянальнага універсітэта Паветраных Сіл і сем афіцэраў, яшчэ аднаго курсанта не дапусцілі да палёту) адразу пасля аварыі выжылі двое.
Адзін з іх (курсант са Львова) памёр у Харкаўскай бальніцы неадкладнай медыцынскай дапамогі, іншы (з Харкаўскай вобласці) знаходзіцца ў Харкаўскім вайсковым шпіталі.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары