Беларускаму праваабаронцу Раману Кісляку другі раз адмовілі ў прытулку ў Грузіі
Па даных праваабаронцаў, у Грузіі зараз да сотні беларусаў просяць прытулку.
Дэпартамент міграцыі МУС Грузіі другі раз сказаў «не» на просьбу Рамана Кісьляка аб палітычным прытулку. Пра гэта сам Раман Кісьляк расказаў Радыё Свабода 27 сакавіка.
Паводле яго, рашэнне прынялі яшчэ ў снежні мінулага года, але пра яго стала вядома толькі цяпер.
«Гэта быў паўторны зварот па прытулак з прычыны новых абставін. З 1 кастрычніка мінулага года пачалася новая працэдура. Каб зарэгістраваць чалавека як «просьбіта прытулку», яго заява павінна быць прызнана прымальнай. Ну і мне на гэтай першай стадыі адмовілі. Меліся разглядзець за 10 дзён, а яны расцягнулі на 4 месяцы. Відавочна, проста забылі пра мяне. А калі я нагадаў — заднім чыслом аформілі адмову», — кажа Кісьляк.
Раман з’ехаў з Беларусі ў ліпені 2021 года, баяўся рэпрэсій, трапіў у Грузію і з таго часу просіць палітычны прытулак.
У 2023 годзе Дэпартамент міграцыі ўжо адмовіў яму, але гарадскі суд Тбілісі гэтае рашэнне адмяніў. Потым Апеляцыйны суд летась адмяніў рашэнне гарадскога суда, і адмову Дэпартамента міграцыі прыйшлося прымаць: Кісьляк мусіў быў з’ехаць за 30 дзён, калі не знойдзе падстаў заставацца.
Тады ён падаў скаргу ў Камітэт правоў чалавека ААН, яе зарэгістравалі, і ён мог заставацца ў Грузіі.
Цяпер Раман збіраецца аспрэчыць адмову ў гарадскім судзе Тбілісі, дзе ўжо раней перамагаў. Ён працягвае праваабарончую працу ў Грузіі — дапамагае беларусам юрыдычнымі парадамі.
Па даных праваабаронцаў, у Грузіі зараз да сотні беларусаў просяць прытулку.
У 2025 годзе грузінскія ўлады адмовілі ў прытулку 22 беларусам. У цэнтр часовага размяшчэння пры Дэпартаменце міграцыі летась накіравалі пяць беларусаў, шэсць чалавек выслалі з краіны, паведамляла крыніца «Позірка» са спасылкай на Нацыянальную паліцыю Грузіі.
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары
Мало поводов и причин?