Грамадства1717

У Мінску прайшоў статысячны Марш. Дэманстранты падышлі да Акрэсціна і пакінулі пасланні

Сёння ў Мінску і гарадах Беларусі прайшоў Марш у падтрымку палітвязняў. Пратэсты ў Беларусі працягваюцца ўжо амаль два месяцы. На Маршы ў Мінску налічылі больш за 100 тысяч удзельнікаў. Дэманстранты падыходзілі да Акрэсціна, каб пакінуць там пасланні да ўладаў.

20:00

19:59

Пад дзвярыма кватэры мінскай фатографкі Дар'і Сапранецкай дзяжурыць АМАП.

Дар'ю сёння затрымалі, але адпусцілі пасля праверкі дакументаў. Праз нейкі час Дар’і пазванілі з Кастрычніцкага РУУСа Мінска і запатрабавалі, каб яна туды вярнулася. Журналістка адмовілася выконваць такое патрабаванне. Цяпер яна шукае адваката, каб звярнуцца да яго па дапамогу.

19:27

19:03

19:01

18:55

18:54

18:52

Мінск, праспект Дзяржынскага. Увешаны медалямі ветэран вітае антылукашэнкаўскіх дэманстрантаў. Яны скандуюць яму «Дзякуй».

18:39

18:30

18:23

18:23

Мінск. Каля «Зубра» людзі перакрылі рух па праспекце Дзяржынскага на ўезд.

18:22

«Вясне» ўжо вядомыя імёны больш за 90 затрыманых сёння ў часе пратэстаў, поўны спіс тут.

18:05

Паглядзіце, як мінчукі віталі пратэстоўцаў з балконаў. Фоты Надзеі Бужан.

18:00

17:58

Мінск. Галава асноўнай калоны ўжо дайшла да перакрыжавання з вуліцай Сямашкі. Па Сямашкі ў бок Дзяржынскага рухаецца з дзясятак бусаў сілавікоў і вадамёт.

17:55

Па праспекту Жукава да Акрэсціна ўсё яшчэ ідуць даволі вялікія групы людзей, якія раней адарваліся ад асноўнай калоны.

У той жа час частка людзей ад вялікай калоны адшчэпліваецца, ужо разыходзячыся па дамах. Таму па Жукава інтэнсіўны рух у абодва бакі.

17:53

Вольгу Шпарага, члена Асноўнага складу Каардынацыйнай рады, затрымалі ў Мінску на Кальварыйскай.

17:44

Ля Кальварыйскіх могілак зноў выкарысталі вадамёт.

17:26

Калона, якая падышла да Акрэсціна, рушыць далей. Пратэстоўцы крычаць: «На праспект».

17:21

Мінск. Галава асноўнай калоны ўжо ля Акрэсціна. Людзі скандуюць «свабоду» і «выпускай».

Здымачную групу БТ, якая прыехала сюды рабіць рэпартаж, дэманстранты сустрэлі воклічам: «Ганьба!»

На даху ізалятара стаіць супрацоўнік, які спрабуе здымаць пратэстоўцаў на камеру. У моманты, калі яго бачна, адзін з дэманстрантаў свеціць яму ў твар лазернай указкай, замінаючы весці здымку. Людзі скандуюць: «Прыгай!»

17:14

У Бабруйску затрымалі журналістаў Марыну Маўчанаву, Алесю Лацінскую, Дзяніса Носава і Юрыя Камісарава.

Яны асвятлялі акцыю ў Бабруйску. Цяпер яны ў міліцыі, паведамляе БАЖ.

Таксама ў часе акцыі ў Мінску затрымалі карэспандэнта Onliner Аляксандра Уладыку.

17:11

17:01

Мінск. Уперадзе асноўнай калоны едуць каля 20 раварыстаў. Яны ад’язджаюць уперад і падказваюць кіроўцам, куды звярнуць, каб не ўехаць у калону. Рэгулююць рух.

17:00

На Савецкай плошчы ў Гродне затрымалі 13-гадовую дзяўчыну. За ёй у пастарунак прыехала маці

16:59

У 16.50 адкрыты станцыі Плошча Перамогі, Плошча Якуба Коласа. На станцыі Плошча Леніна адкрыты вестыбюль 1 (Уваход з боку вакзала). Закрытыя станцыі Грушаўка і Міхалова.

16:57

Асноўная калона выходзіць на праспект Дзяржынскага. Да Акрэсціна — літаральна з метраў 500

16:50

«Маму выпусцілі пасля прафілактычнай гутаркі, якую мамусік правёў з начальнікам РУУС», — напісала ў фэйсбуку Ганна Севярынец пра сваю маму Таццяну Севярынец, якую сёння затрымлівалі ў Віцебску

Фота Дар'і Буракінай
Фота Дар'і Буракінай

16:27

Тым часам у Віцебску супраць пратэстоўцаў прымянілі газ. У Бабруйску затрыманыя 25 чалавек і 4 журналісты.

У Мінску затрыманая журналістка Дар’я Сапранецкая.

16:25

Калона пайшла па Пушкіна ў кірунку праспекта Жукава.

16:20

Праходзяць ля месца забойства Тарайкоўскага. Скандуюць: «Не забудзем, не даруем».

16:17

Колькасць удзельнікаў дэманстрацыі, што рухаецца да праспекта Пушкіна дасягае 100 тысяч чалавек, перадаюць карэспандэнты «Нашай Нівы».

16:15

Затрыманы журналіст «Анлайнера» Аляксандр Уладыка.

У Брэсце на Савецкай затрымалі галоўнага рэдактара гарадскога часопіса «Бінокль» Ксенію Пятровіч і пазаштатнага фотакарэспандэнта «Брестской газеты» Алега Палішчука.

16:13

На Нямізе зноў пачаліся затрыманні. Людзі сталі ў счэпку, пры затрыманні аднаго з іх стала дрэнна.

16:10

Галава калоны дайшла да метро Пушкінская. З сярэдзіны ў канец калоны даносіцца «Пачакаем!». Падлічыць дакладную колькасць пратэстоўцаў немагчыма — яно перавышае некалькі дзясяткаў тысяч чалавек.

Людзі перыядычна спыняюцца, каб калона не расцягвалася, і скандуюць «Гэта наш горад!», піша Tut.by.

15:55

Некалькі тысяч чалавек рушаць ад Гарадскога Вала па Кальварыйскай у бок «Кароны». Яны занялі праезную частку, не даўшы праехаць калоне вайсковай тэхнікі, якая вымушана павольна ехаць за імі, бо аб’ехаць няма як — насустрач рухаюцца звычайныя аўтамабілі, яны зацята сігналяць, падтрымліваючы дэманстрантаў.

15:46

На праспекце Машэрава сілавікі зноў ужылі вадамёт супраць дэманстрантаў. Вада мае спецыфічны пах і чырвонае адценне, перадае карэспандэнт @nashaniva. Людзі ўпарта не разыходзяцца.

15:44

Ад праспекта Пераможцаў некалькі тысяч рушылі ў бок Кальварыйскай. Ад Ціміразева ў адваротны бок ідзе тысяч сем.

15:42

На праспекце Машэрава сілавікі падышлі да кіроўцы «Фальксвагена-Пасат», які прыпыніўся, прапускаючы дэманстрантаў, і адабралі ключы ад аўто. Адышоўшы метраў на 20, сілавікі шпурнулі ключы кіроўцу пад машыну.

15:38

На вуліцы Заслаўскай дэманстранты закідалі вадамёт камянямі.

15:35

15:30

На Машэрава дэманстранты абступілі вадамёт, дасталі з яго кантэйнеры з каляровай вадкасцю і вылілі іх на дарогу. Вадамёт з’ехаў, прыехалі сілавікі.

Фота Дар'і Буракінай

15:27

Каля KFC на Нямізе затрыманні.

15:25

Вадамёт ужылі на праспекце Машэрава. Ідзе разгон дэманстрантаў.

15:21

Тысячы чалавек занялі праезную частку праспекта Машэрава.

15:20

Людзі выйшлі на Машэрава і рушылі ў бок скрыжавання з Ціміразева. Ідуць па праезнай частцы. Рухаецца калона і па Кальварыйскай у бок Стэлы.

15:16

На Нямізе каля Палаца спорту супраць дэманстрантаў сілавікі ўжылі вадамёт.

Людзі ўцякаюць у бок Верхняга горада і Опернага.

15:00

Каля Стэлы гучаць папярэджанні ад сілавікоў пра «несанкцыянаваную акцыю». Прысутныя звяртаюць увагу на новую дэталь: цяпер кажуць пра забарону хавáць твары за маскамі.

14:51

Пешаходны мосцік, як ісці ад гасцініцы «Беларусь» у бок стэлы, перакрыты сілавікамі.

14:50

У Гродне затрымалі дзвюх журналістак: карэспандэнтку Tut.bу і «Народнай волі» Вольгу Камягіну, фатофа Tut.bу і «Народнай волі» Кацярыну Гардзееву.

14:44

Ад Нямігі да Стэлы патокам ідуць тысячы і тысячы чалавек, перадае карэспандэнт «Наша Ніва». Затрыманні кропкавыя.

14:36

Каля гасцініцы «Юбілейная» — затрыманні, піша Еўрарадыё: сілавікі затрымліваюць тых, хто проста сядзіць там.

14:30

У Віцебску затрымалі «для ўдакладнення асобы» журналістку Tut.by Таццяну Мацвееву і фатографа Алеся Пілецкага. Затрыманы таксама Сяржук Серабро (Народныя навіны Віцебска).

14:15

У Мінску пачаліся праблемы з мабільным інтэрнетам.

14:05

На Стэле сёння — вялікая колькасць сілавікоў і тэхнікі.

13:47

На праспекце Машэрава ў Мінску ціхары спыняюць людзей для праверкі дакументаў. Фіксуюць усё на камеру, праводзяць тлумачальныя гутаркі.

13:40

Закрытыя для пасадкі і высадкі ст. м. Купалаўская/Кастрычніцкая, Пл. Перамогі, плошча Якуба Коласа, пл. Леніна, Няміга, Фрунзенская, Маладзёжная.

13:03

Вялікая колькасць бусаў без нумароў з сілавікамі запаркавана на праспекце Машэрава на паркоўцы недалёка ад Стэлы з боку парку Перамогі, а таксама каля скрыжавання Машэрава — Старажоўская — Старавіленскі тракт, паведамляе чытачка @nashaniva.

Акрамя таго, чытачы пішуць, што па ўсім праспекце Незалежнасці ў цэнтры ад плошчы Незалежнасці да ГУМа стаяць асобы ў аліўкавым і балаклавах або міліцыянты ў масках.

11:35

У раёне станцыі метро «Пушкінская», «Маскоўская», побач з плошчай Незалежнасці і ў іншых месцах былі заўважаныя аўтазакі і мікрааўтобусы без нумароў. Каля Палаца Рэспублікі таксама сілавікі.

11:15

Традыцыйна ў горад падцягваецца спецтэхніка. Так, з боку Уручча ў напрамку Лебядзінага рухаюцца дзве калоны тэхнікі, у першай — аўтазакі, пяць вадамётаў, 5—7 БТРаў і бусы зь сілавікамі, у другой — каля 8 БТРаў». Сілавікі ачапілі Стэлу, шмат вайсковай тэхнікі бачылі на праспекце Пераможцаў.

11:10

Зноў у нядзелю закрываюць буйныя гандлёвыя цэнтры. Не працуюць ГЦ «На Нямізе» і «Сталіца». «Галерэя» адчыніцца толькі а 16-й.

11:05

Нагадаем, што ў пятніцу журналістаў замежных СМІ пазбавілі акрэдытацыі, а з 1 кастрычніка Tut.by страціў статус СМІ.

Каментары17

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Пасля выступлення Луганскага тэатра ў Мінску адна з глядачак выгукнула «Слава Украіне!»6

Пасля выступлення Луганскага тэатра ў Мінску адна з глядачак выгукнула «Слава Украіне!»

Усе навіны →
Усе навіны

Каліновец Аляксандр «Кусь» Клачко расказаў пра жудасны выпадак, які адбыўся з добраахвотнікам Белкай3

«Стары сабака памёр без мяне. Трэба будзе знаёміцца з новым». Вакаліст гурта Ulis Слава Корань расказаў, як эміграцыя не дае яму пісаць4

Каля вайсковага гарадка пад Гомелем пачалося будаўніцтва новага маштабнага аб'екта1

Прыхільнікі Бондаравай святкуюць перамогу над каналам «ДСП» на 120 падпісчыкаў17

У расійскай Разані мужчына жыўцом згарэў каля чашы Вечнага агню1

У Заслаўі знеслі да Дажынак карчму і краму, якія раней лічыліся помнікамі архітэктуры5

Індыйскі калекцыянер купіў у ЗША самага дарагога шчанюка ў свеце5

Вольф Месінг і не толькі: якія астролагі і вешчуны дзейнічалі ў Гродне 100 гадоў таму2

ЗША тэрмінова распрацоўваюць сістэму «Залаты купал» супраць дальнабойных ракет10

больш чытаных навін
больш лайканых навін

Пасля выступлення Луганскага тэатра ў Мінску адна з глядачак выгукнула «Слава Украіне!»6

Пасля выступлення Луганскага тэатра ў Мінску адна з глядачак выгукнула «Слава Украіне!»

Галоўнае
Усе навіны →

Заўвага:

 

 

 

 

Закрыць Паведаміць