«Гэта будуць танцы на касцях»: Павел Латушка заклікаў ансамбль «Харошкі» не выступаць на сцэне Купалаўскага
Сёння і заўтра плануецца выступленне ансамбля «Харошкі» на сцэне Купалаўскага тэатра. Экс-дырэктар тэатра Павел Латушка звярнуўся з гэтай нагоды да кіраўніка ансамбля Валянціны Гаявой. Зварот апублікаваны ў яго тэлеграм-канале.
«Выходзіць з танцамі ў тэатры ў той момант, калі ў краіне сядзяць палітвязні, калі іх катуюць у турмах, калі звальняюць дзеячаў культуры, спорту, медыцыны толькі за грамадзянскую пазіцыю — гэта ладзіць танцы на касцях.
Я звяртаюся да ансамбля «Харошкі», да Гаявой Валянціны Іванаўны, народнай артысткі і мастацкага кіраўніка ансамбля, адмовіцца ад выступаў у закрытым Купалаўскім тэатры.
Заўсёды трэба памятаць, што ў жыцці не ўсё прадаецца і купляецца. Ня трэба маладушнічаць і дэманстраваць псеўда-філантропію.
Толькі адмова ад выступаў у доме купалаўцаў дазволіць ансамблю «Харошкі», як і любому іншаму калектыву, захаваць сваю прафесійную рэпутацыю і чалавечы твар.
Першымі, хто вернецца на сцэну Купалаўскага тэатра, павінны быць Купалаўцы.
Іначай гэта здрада культуры і пацярпеламу народу Беларусі, бо «Купалаўскі» — гэта не проста імя, гэта магутны сімвал нацыянальнай культуры, які аб'ядноўвае беларусаў».
Заява Фонда культурнай салідарнасці: Аркестр «Харошак» адмовіўся выступаць на апусцелай сцэне Купалаўскага
Цяпер чытаюць
Загнуўся бізнэс члена хакейнай каманды Лукашэнкі, які абяцаў пабудаваць лыжны манеж за Вярхоўным судом узамен на ласыя ўчасткі2
Каментары