Дырыжора Галіну Казіміроўскую аштрафавалі на 810 рублёў. Але можа быць новы працэс
Суд Савецкага раёна аштрафаваў на 810 рублёў (30 базавых велічыняў) дырыжорку Галіну Казіміроўскую, жонку Змітра Вайцюшкевіча, піша «Радыё Свабода».
Аднак Зміцер і адвакат не ведаюць, ці вызваляць сёння Галіну. «Едзем цяпер у Цэнтральны райсуд, там можа быць новы працэс», — сказала абаронца.
Галіну затрымалі 29 кастрычніка. Увесь гэты час яна знаходзілася ў ІЧУ на Акрэсціна.
На яе склалі яшчэ адзін пратакол паводле артыкула 23.34.
«Учора ў ЦІП на Акрэсціна мяне не выпусцілі, а перазатрымалі паводле пратакола, складзенага міліцыянтамі з Цэнтральнага РУУС», — паведаміла праз відэасувязь Галіна. Яе пачалі судзіць у Савецкім райсудзе за ўдзел у «Маршы народнага ўльтыматуму» 25 кастрычніка.
Галіна Казіміроўская больш за дзесяць гадоў з'яўляецца дырыжорам аматарскага хору Concordia, удзельнічала ў выданні зборніка «Годныя песні».
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары