Беларускі бок лічыць, што шляхам дыялогу можна зняць рознагалоссі з Літвой па пытанні ўвядзення ў эксплуатацыю БелАЭС, аднак Вільня неабгрунтавана нагнятае сітуацыю. Пра гэта гаворыцца ў адказе МЗС Беларусі на ноту пратэсту Літвы, размешчаным на сайце беларускага замежнапалітычнага ведамства.
«Нармальны дыялог, які мог бы прынесці ўзаемавыгадны вынік, літоўскі бок даўно вырашыў прынесці ў ахвяру сваім геапалітычным амбіцыям. У чарговым эпізодзе гэтага «эпісталярнага серыяла» нас абвінавацілі ў «безадказным і паспешлівым» запуску БелАЭС», — гаворыцца ў адказе прэс-сакратара МЗС Анатоля Глаза.
У МЗС падкрэслілі, што перадпускавыя аперацыі на БелАЭС вядуцца ў строгай адпаведнасці з графікам этапных праграм пад кантролем Дзяржатамнагляду і іншых наглядных органаў.
«Акрамя ўсіх наглядных органаў, Вільня аднаасобна ставіць пад сумнеў і аўтарытэт сістэмаўтваральных для Сусветнай ядзернай галіны арганізацый, злоўжывае даверам сваіх партнёраў па ЕС. Цесна працуючыя з намі на ўсіх этапах узвядзення станцыі экспертныя місіі МАГАТЭ, Сусветнай асацыяцыі арганізацый, якія эксплуатуюць АЭС, Еўрапейскай групы рэгулятараў ядзернай бяспекі неаднаразова пацвярджалі, што няма недахопаў, якія маглі б стаць перашкодай для бяспечнага пуску першага энергаблока БелАЭС», — адзначае МЗС.
-
У РЦАП у Ратамцы растлумачылі, чаму ўладальнікам коней не працягнулі дамовы
-
«Мая пазіцыя адносна сілавікоў пасля перамогі простая». Экс-палітвязень пра шклоўскую калонію, падполле і «карэліцкую справу»
-
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць14
Каментары