У Ратамцы растлумачылі, чаму ўладальнікам коней не працягнулі дамовы
Некалькі дзён таму стала вядома, што цягам некалькіх дзён амаль высяляюць сотню коней, якія ўтрымліваюцца ў Рэспубліканскім цэнтры алімпійскай падрыхтоўкі па конным спорце і конегадоўлі на платнай аснове. Гэта выклікала вострую рэакцыю сярод іх уладальнікаў і шырокі рэзананс у спартыўным асяроддзі.
Сітуацыю пракаментаваў «Прысталіччу» намеснік генеральнага дырэктара па асноўнай дзейнасці РЦАП па конным спорце і конегадоўлі Уладзімір Краеўскі.
— Штогод у Рэспубліканскім цэнтры алімпійскай падрыхтоўкі па конным спорце і конегадоўлі заключаюцца дамовы на платнае аказанне паслуг па ўтрыманні коней. Тэрмін дзеяння цяперашніх дамоў заканчваецца 1 ліпеня 2026 года. Згодна з пунктам 6.9 дамовы, яна можа быць працягнутая на новы тэрмін пасля пісьмовага паведамлення заказчыкам цэнтра не пазней чым за 14 каляндарных дзён да заканчэння тэрміну яе дзеяння. Па стане на 25 чэрвеня ў цэнтр не паступіла ніводнай заяўкі, пададзенай ва ўстаноўленым парадку.
У сувязі з гэтым, а таксама па шматлікіх просьбах іншых уладальнікаў, якія жадаюць размясціць сваіх коней у цэнтры, аб празрыстым і справядлівым заключэнні дамоў на іх утрыманне, кіраўніцтва цэнтра разглядае магчымасць заключаць такія дамовы на конкурснай аснове.
Таксама будзе створана рабочая група, якая выпрацуе механізмы справядлівага і празрыстага заключэння дамоў на размяшчэнне коней з улікам меркаванняў усіх зацікаўленых бакоў, — адзначыў намеснік генеральнага дырэктара па асноўнай дзейнасці РЦАП па конным спорце і конегадоўлі Уладзімір Краеўскі.
Цяпер чытаюць
У беларускі ў Італіі забралі двух сыноў — бо яна не прызнавала дзяржаву і не адпускала дзяцей у школу і да доктара8
Каментары
Чиновник знает положившего глаз, но скромно молчит о нём.
Старым уладальнікам не падпісалі новыя ўмовы бо хутчэй за ўсё там капейкі, зараз “на конкурсе” умова стане залатой.
вы хотите чтобы обеспеченные люди содержали своих лошадок за счёт плательщиков подоходного налога, уборщицы Клавы и продавщицы Вали? Раз есть денюшка на лошадок, то 1/10 стоимости коника надо оплатить за его содержание, в год.