У Баранавічах школьнікі вымагалі грошы ў 20-гадовага хлопца, пагражаючы апублікаваць яго інтымныя фоты
У міліцыю звярнуўся 20-гадовы жыхар Баранавіч і расказаў, што пазнаёміўся ў інтэрнэце з 14-гадовай дзяўчынкай (падчас знаёмства школьніца прадставілася 17-гадовай), з якой абменьваўся інтымнымі фатаграфіямі. Праз нейкі час дзяўчынка распавяла пра гэта сваім аднакласнікам, якія вырашылі зарабіць на гэтым і пачалі шантажаваць хлопца. Яны запатрабавалі грошы за нераспаўсюджванне яго здымкаў, паведамляе міліцыя.
Падлеткі асабіста сустракаліся з ахвярай, каб забраць грошы, альбо называлі месца, дзе можна іх пакінуць. Гараджанін страціў 950 даляраў, а калі запыталі яшчэ 1100 даляраў, ён звярнуўся ў міліцыю.
Непаўналетніх затрымалі падчас перадачы канверта. Падазраванымі аказаліся двое хлопчыкаў і адна дзяўчынка (14 і 15 гадоў).
Атрыманыя грошы падлеткі паспелі змарнаваць.
Пра што маўчыць Аляксей Францкевіч, якому Польшча закрыла ўезд на 10 гадоў67
Каментары