Уладальнік Menu.by стаў міністрам эканомікі Арменіі. Месяц таму ён быў добраахвотнікам на фронце
Заснавальнік беларускага сэрвісу дастаўкі ежы Menu.by Ваган Керабян прызначаны міністрам эканомікі Арменіі.
Адпаведны ўказ падпісаў прэзідэнт Арменіі Армен Саркісян.
Падчас жыцця ў Беларусі армянскі бізнэсмен быў спонсарам курсаў «Мова Нанова»
«У гэты цяжкі момант я гатовы служыць сваёй радзіме і бізнэсу. Я спадзяюся, што бізнэс-супольнасць і ўся эканоміка хутка адчуюць клопат і хуткасць маёй каманды», — напісаў Ваган Керабян у фэйсбуку.
Ваган Керабян з сям'ёй
Пасля пачатку вайны за Нагорны Карабах Керабян адправіўся добраахвотнікам на фронт. «Так атрымалася, што свой дзень нараджэння я сустрэў на перадавой, абараняючы незалежнасць і існаванне любімай Радзімы. Аб лепшым падарунку і марыць не мог. Вядома, мы пераможам», — пісаў ён месяц таму. Арменія прайграла, але бізнэсмен атрымаў прапанову стаць чыноўнікам.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай73
Каментары