Прадстаўнікі Сучаснага мастацкага тэатра напісалі, што без гастрольнага пасведчання на кожны спектакль не могуць яго паказваць, а «гастролькі» ім не падпісваюць ужо два месяцы, — піша Tut.by.
— Мы пяць разоў ужо падавалі запыт, але кожны раз знаходзіцца прычына на адмову, — пішуць у СМТ. — У выніку ў лістападзе мы паказалі адзін спектакль з сямі заяўленых. На снежань адказу няма, хоць наш адміністратар удакладняе [аб дазволе] кожную раніцу і ў канцы працоўнага дня. Прадстаўнікі Тэатра нагадалі, што СМТ 15 гадоў, з моманту свайго адкрыцця, існуе без дзяржаўнай падтрымкі, бо з'яўляецца недзяржаўным тэатрам і не фінансуецца ніякай структурай або арганізацыяй.
— Для нашага тэатра наступаюць няпростыя часы. Усе гэтыя гады мы выжывалі толькі за кошт сваёй дзейнасці, то-бок за кошт гледачоў і набытых імі квіткоў. Цяпер наша дзейнасць спыняецца па не залежных ад нас прычынах (на час). Мы спадзяёмся, што знойдуцца разважныя людзі, якія змогуць растлумачыць, чаму нам забараняюць працаваць і ці хутка мы вернемся да паказаў спектакляў. Пакуль гэтыя пытанні застаюцца адкрытымі.
Прадстаўнікі тэатра таксама звярнуліся да гледачоў з просьбай не вяртаць білеты на спектаклі, калі гэта магчыма, а адкласці візіт у тэатр да аднаўлення паказаў. Усе квіткі будуць сапраўдныя на спектаклі да снежня 2021 года.
У рэпертуары СМТ некалькі дзясяткаў спектакляў, усе гады з моманту заснавання акцёры выступалі на сцэне КЗ «Мінск».
-
Карціна Шагала «Прагулка» застанецца ў Беларусі да кастрычніка: Турчын дамовіўся з Мішусціным аб працягу выставы
-
На «Беларусьфільме» сярод бясконцых фільмаў пра вайну нарэшце здымуць навагоднюю камедыю
-
Замяніў 95% трупы, але не заваяваў публіку. Што робіць з беларускім балетам экс-прэм'ер расійскай Марыінкі
Каментары