Суперзорка муай-тай Дзмітрый Валент адклікаў свой подпіс у лукашэнкаўскім лісце: «Я з народам Беларусі!»
Мы паведамлялі пра тое, што дзве заўважныя фігуры айчынных адзінаборстваў — Дзмітрый Валент і Андрэй Кулебін, — падпісалі лукашэнкаўскі «ліст спартоўцаў».
Чытайце: Суперзоркі муай-тай Валент і Кулебін падпісалі лукашэнкаўскі ліст спартоўцаў, але не могуць патлумачыць матывы. Сябры ў шоку
Тады байцы ніяк не пракаментавалі сваю пазіцыю, але сутыкнуліся з хваляй абурэння калег па цэху.
Узвысіў голас нават Віталь Гуркоў, сказаўшы, што чэмпіёнам у жыцці часам быць цяжэй, чым у рынгу.
Праз два дні Дзмітрый Валент адклікаў свой подпіс. Больш за тое, ён публічна падтрымаў альтэрнатыўную пазіцыю.
«Усім прывітанне! Хачу пракаментаваць сітуацыю з падпісаным мной лістом.
Падпісаўшы гэты ліст, я ўсвядоміў, што ўчыніў неабдуманы крок. Я супраць падзялення спартовай супольнасці па палітычных матывах, я паважаю спартоўцаў, якія выступілі супраць хлусні і гвалту, таму што няшчырая гульня і гвалт несумяшчальныя са спартовымі і алімпійскімі прынцыпамі.
На жаль, усё гэта працягваецца проста цяпер у нашай краіне і гэтаму мае быць пакладзены канец. Таму я цвёрда вырашыў адклікаць свой подпіс і застацца шчырым перад сабой.
Я на баку народа Беларусі!» — вось такі допіс размясціў Валент у сваім інстаграме, суправадзіўшы подпіс фота ў вышыванцы.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт1
Каментары