МУС: Людзей у лідскім судзе затрымлівалі па крымінальнай справе аб хуліганстве
У Лідскім судзе сёння затрымалі людзей, якія прыйшлі падтрымаць электраманцёра Каспяровіча.
Як пазней удакладніў прадстаўнік МУС па Гродненскай вобласці Яўген Дудко, першасная інфармацыя пра «два дзясяткі» затрыманых некарэктная — затрымана было 8 чалавек, пяцёра з іх адпушчаныя без пратаколаў.
«А трое апытаныя ў рамках крымінальнай справы па артыкуле 339 (Хуліганства) і таксама адпушчаныя. Крымінальная справа заведзеная па факце непрыстойных дзеянняў у судзе падчас абвяшчэння прысуду Вітольду Ашурку», — сказаў Дудко.
Кім ініцыяваны крымінальны працэс Дудко дакладна не ведае, але, маўляў, дакладна не МУС: «Імаверна, пракуратура, баюся памыліцца», — сказаў прадстаўнік УУС Гродненскага аблвыканкама.
Вядома, што лідчукі сустрэлі эмацыйнай рэакцыяй прысуд Вітольду Ашурку — у тым жа судзе 18 студзеня суддзя Максім Філатаў прысудзіў Ашурку 5 гадоў калоніі. Людзі пачалі крычаць Філатаву «Ганьба!» і падтрымліваць Ашурка.
Чытайце: Актывіст з Лідскага раёна Вітольд Ашурак асуджаны на 5 гадоў калоніі
-
«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне
-
«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы
-
Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню42
Каментары