Жонка Статкевіча заклікае не толькі пасылаць лісты палітвязням, але і рабіць ім грашовыя пераводы
Можна таксама высылаць пасылкі, а вось колькасць перадач абмежаваная, таму пакіньце гэтую магчымасць сям'і, піша Марына Адамовіч.
«Калі Вы вельмі хочаце зрабіць перадачу, абавязкова (!) звяжыцеся са сваякамі і ўзгадніце магчымасць і неабходнасць гэтага. Таму што колькасць і вага перадач абмежаваныя. А бандэролі і пасылкі дасылайце смела (Але гэта тычыцца падследных і тых, у каго прысуд не ўступіў у сілу. І ўлічыце, што кнігі не прапусцяць). Або рабіце грашовыя пераводы ў СІЗА. Іх можа быць колькі хочаце, хоць 100 на месяц. Пасылкі не ўваходзяць у вагу перадач, і Вы не пазбавіце зняволенага таго, што яму востра неабходна, але сваякі не здолеюць перадаць, бо, прыцягнуўшы сваю перадачку, высветляць, што вага ўжо выбраная, і перадача немагчымая (і ніякай пасылкай ты не дашлеш свежую зеляніну або гародніну, напрыклад)».
Што да пераводаў, то іх і асуджаныя могуць атрымліваць без абмежаванняў. Пытанне толькі ў тым, колькі яны могуць скарыстаць. Там ёсць нормы. Ад 10 б.в. на месяц да 1-й. Але ўсё застанецца на рахунку.
«Дзякуй! Вясна прыйдзе!» — дадае Марына Адамовіч.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары