Вадзім Сычык з Бярозы атрымаў год «хіміі» за разбітае шкло міліцэйскага мікрааўтобуса
28 студзеня ў судзе Бярозаўскага раёна быў агучаны прысуд 36-гадоваму Вадзіму Сычыку, абвінавачанаму па ч. 1 арт. 339 Крымінальнага кодэкса. Суддзя Наталля Вакульчык асудзіла Сычыка да аднаго года абмежавання волі з накіраваннем у папраўчую ўстанову адкрытага тыпу («хімія»). Менавіта такое пакаранне запрасіў напярэдадні намеснік пракурора Яфімаў, паведамляюць праваабаронцы.
Згодна з абвінавачваннем, Вадзім Сычык 10 жніўня ў перыяд часу з 22.50 па 23.00 наўмысна адзін раз кінуў неўстаноўленым прадметам і знішчыў бакавое шкло аўтобуса маркі МАЗ, які рухаўся па вуліцы Леніна ў Бярозе, і ў якім у той момант знаходзіліся супрацоўнікі Бярозаўскага РАУС. Сваімі дзеяннямі нанёс маёмасную шкоду філіялу «Аўтамабільны парк №8 г. Бярозы» на суму 270 рублёў.
Абвінавачаны сваю віну прызнаў часткова: не адмаўляе кідка, але кажа, што не меў хуліганскіх намераў і не кідаў наўмысна ў аўтобус запальнічку. Па яго версіі, ён моцна раззлаваўся з-за таго, што ў яго не спрацавала запальнічка, і кінуў яе ў бок праезнай часткі, вечка адарвалася і трапіла ў аўтобус, які праязджаў міма — шкло пакрылася «сетачкай».
Вадзім Сычык знаходзіўся пад вартай з 11 снежня. Пасля агучвання прысуду яго адпусцілі на волю ў залі суда.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары