Мінфін Беларусі абверг чуткі аб запыце ў Расіі крэдыту на тры мільярды даляраў за кошт рэшты сродкаў раней выдадзенага крэдыту на будаўніцтва БелАЭС.
Пра гэта паведаміла прэс-сакратарка беларускага ведамства Ірына Комар, перадае «Інтэрфакс».
«Мы працуем па раней вызначаных дамоўленасцях і не запытвалі датэрмінова атрымаць сродкі. Інфармацыю не пацвярджаем», — сказала яна.
Раней прэс-сакратар расійскага прэзідэнта Дзмітрый Пяскоў казаў пра падрыхтоўку сустрэчы лідараў Расіі і Беларусі. Па яго словах, яе парадак яшчэ фарміруецца.
Таксама «КоммерсантЪ» паведаміў, што на сустрэчы ў лютым Лукашэнка папросіць у Пуціна права патраціць сродкі, якія засталіся ад будаўніцтва Беларускай АЭС.
Каментары