Прэзідэнт Расіі Уладзімір Пуцін заявіў, што не прышчапіўся вакцынай «Спадарожнік V» ад каранавіруса, паколькі ў яго «ёсць прышчэпачны план і адначасова некалькі вакцын ставіць нельга», паведамляе «Коммерсант».
У прыватнасці, галоўны рэдактар «Независимой газеты» Канстанцін Рэмчукоў спытаў, ці не хоча Уладзімір Пуцін, так бы мовіць, сваім прыкладам усё ж такі падтрымаць вакцынацыю, бо яму так давярае большасць расійцаў.
Пуцін адказаў што, маўляў, гатовы прышчапіцца, але ў яго ёсць прышчэпачны план, у ім ёсць прышчэпкі ад грыпу і пнеўмакока, так што ён параіцца з лекарамі, калі лепш гэта зрабіць, таму што адначасова нельга. Магчыма, у канцы лета — пачатку восені, калі пачнецца актыўны час і яму прыйдзецца шмат ездзіць.
«Коммерсант» таксама адзначае, што галоўных рэдактараў СМІ Расіі на сустрэчу з Пуціным папрасілі прыйсці з вынікамі тэсту на каранавірус. Яны прынеслі, аднак ніхто гэтымі даведкамі не пацікавіўся.
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары