Памочніка дэпутата ад «Альтэрнатывы для Германіі» арыштавалі па падазрэнні ў шпіянажы на Кітай
Генеральная пракуратура Дрэздэна мае намер дамагчыся зняцця імунітэту з дэпутата Бундэстага ад «Альтэрнатывы для Германіі» Максіміліяна Кра. Як пацвердзіў сам палітык у размове з выданнем Bild, справа звязаная з ягонай дзейнасцю да 2019 года, калі ён працаваў юрыстам і адначасова быў дэпутатам Еўрапарламента.
Падставай для расследавання сталі пераводы грошай ад кітайска-германскага бізнэсмена Цзянь Го, які пазней стаў памочнікам Кра ў Еўрапарламенце. Паводле даных следства, Кра выстаўляў яму рахункі за юрыдычныя паслугі, а затым наняў яго ў свой офіс. Цяпер пракуратура правярае магчымы карупцыйны складнік гэтых плацяжоў.
Цзянь Го быў арыштаваны ў красавіку 2024 года па падазрэнні ў шпіянажы на карысць кітайскай разведкі. Яму ставіцца ў віну «дзейнасць у інтарэсах замежнай спецслужбы», цяпер ён знаходзіцца пад вартай, найбліжэйшым часам пачнецца суд.
Максімільян Кра перайшоў з Еўрапарламента ў Бундэстаг пасля выбараў 23 лютага 2025 года. Для зняцця дэпутацкага імунітэту патрабуецца спецыяльнае рашэнне парламента.
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?2
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары